تبريزده ائرمنيستان باش کونسوللوغونون آچيلماسي باره ده قرار ايران آذربايجانليلاري طرفيندن اعتيراضلا قارشيلانيب. آرتيق بونونلا علاقه دار ضياليلار آديندان ئولکه پرزيدنتينه، آذربايجان استاندارينا، خارجي ايشلر ناظيرليگينه و پارلامئنته موراجيعت گؤندريليب.
ايراندا آذربايجان ديلينده نشر اولونان ” يارپاق ” قزئتي نين رئداکتورو سعيد موغانلي آپا- آذری پرس خبر اژانسينا بيلديريب کي، بير گروه آذربايجانلي تبريزدن اولان ميلت وکيلی اکبر اعلمي ايله ده گؤروشوب و اونا ايراندا ياشايان آذربايجانليلارين اعتيراضيني چاتديريب. جناب موغانلي اؤلکه ده آچيق شکيلده ايمضاتوپلاما کامپانيياسينا باشلانديغيني دا دئييب: ” بئش گوندور ايرانين بوتون اراضيسينده تبريزده ائرمنيستانين کونسوللوغونون آچيلماسينا اعتيراض ائدن آذربايجانليلار آراسيندا ايمضاتوپلاما کامپانيياسينا باشلانيليب.” ايران دؤولتي ايسه مسئله يه هله موناسيبت بيلديرمير. حساب ائديريک کي، ايران دؤولتي ميليونلارلا آذربايجانلي نين فيکريني نظره آلمالي و ائرمنيلرين چوخ آز سايدا ياشاديغي تبريزده کونسوللوق آچيلماسينا ايجازه وئرممه ليدير. بو، يانليش آدديمدير و آذربايجانليلار آراسيندا جيدي اعتيراض يارادا بيلر”. دئيه سعيد موغانلی بيان ائديب. بو آرادا، آذربايجانين خارجی ايشلر ناظرلييی نين سوزچوسو جناب خزر ابراهيملی بو گون کئچيردييی هفته ليک مطبوعات کنفرانسيندا بو مسئله يه مناسبت بيلديريب. ” اوميد ائديريک کی ، رسمی تهران ايران اذربايجانليلاری نين بونونلا باغلی حساس ليغينی نظره آلاجاق.” دئيه ابرهيملی وورغولاييب.
هیچ نظری موجود نیست:
ارسال یک نظر